Mơguah lơ 3/11, ƀơi plơi prong jưh jom Vientiane (Lao), Ding jum Khul ling tơhan, Ding jum sĭ mơdrô Việt Nam gum hrom hăng Ding jum Khul ling tơhan, Ding jum sĭ mơdrô dêh čar Lao pơphun Jơnum ngui sang čơ Việt Nam – Lao hăng anăn ñu “Čơkă mơ-ak Thun gum hrom hơbit giăng mah Việt Nam – Lao 2022”.

Gum hrom jơnum ngui hmâo năng ai ñu 120 anih pơdă gơnam mơng giăm truh 90 bôh anom, anih bơwih ƀong rai mơng Việt Nam, amăng anun hmâo năng ai ñu 30 bôh anom bơwih ƀong khul ling tơhan. Hrom hăng anun lĕ, giăm truh 30 anih pơdă gơnam mơng hơdôm bôh anom bơwih ƀong dêh čar Lao hăng sa dua bôh anom bơwih ƀong dêh čar tač rơngiao.

Bruă jơnum ngui lĕ sa amăng hơdôm bruă mă kơđi čar – mơnuih mơnam hmâo rơwang pơkă prong čơkă mơ-ak thun gum hrom hơbit, giăng mah Việt Nam – Lao 2022, ăt lĕ tal kiăng hơdôm bôh anom bơwih ƀong Việt Nam lăi hrom hăng hơdôm bôh anom bơwih ƀong Khul ling tơhan Việt Nam lăi ha jăn hmâo dong tơhnal bơkơtuai, lăi pơthâo nao rai, hơduah ĕp bơnah gum hrom hmâo anô̆ gal, pok prong tơlơi rô nao rai sĭ mơdrô hăng hơdôm bôh anom bơwih ƀong Lao, anom bơwih ƀong Khul ling tơhan Lao hăng anom bơwih ƀong hơdôm bôh dêh čar ASEAN...