Khua git gai Ping gah Khua pơ ala mơnuih ƀôn sang dêh čar ta, Khua git gai wai lăng pơ ala mơnuih ƀôn sang dêh čar ơi Trần Thanh Mẫn hăng Khua git gai Grŭp mă bruă Ping gah Gong gai dêh čar, Khua dêh čar ơi Phạm Minh Chính gum hrŏm git gai jơnum. Pơhiăp amăng mông pok phun, Khua git gai wai lăng pơ ala mơnuih ƀôn sang dêh čar ơi Trần Thanh Mẫn brơi thâo, Tal jơnum lok 8, hmâo lu bôh yôm hloh amăng hơdôm tal jơnum mơ̆ng akô̆ rơwang bruă Khua pơ ala mơnuih ƀôn sang dêh čar ta tal 15 truh ră anai.

Khua pơ ala mơnuih ƀôn sang pel ĕp 39 bôh yôm, amăng anun hmâo 29 bôh yôm gah bruă čih pơkra tơlơi phiăn, 10 djuai bôh yôm gah bơwih ƀong – mơnuih mơnam, ngăn drăp kơnuk kơna; lăng tui, bruă mơnuih mă bruă hăng hơdôm tơlơi pơkon. Pơkă hlâo, Tal jơnum lok 8 pok phun amăng lơ 21/10 hăng pơphun jơnum amăng 29 hrơi, dưi pơphun jing 2 tal. Khua git gai wai lăng pơ ala mơnuih ƀôn sang lăi lĕ, jơnum dưi ngă tui hlâo kơ pơphun tal jơnum sa blan pioh hơdôm bôh ƀirô čih pơkra hră pơ-ar, pel ĕp lăng hrơi blan ngă tui djơ̆ tui Tơlơi phiăn mă yua hră pơ-ar pơkă tơlơi phiăn; hrŏm hăng anun pioh bơkơtuai, tŭ ư hrŏm bôh yôm jơlan hơdră Tal jơnum lok 8./.