Hră lăi pơthâo ƀơi mông jơnum, Kơ-iăng Khua ding jum man pơphô hăng tuh pơ alin ơi Trần Duy Đông brơi thâo, Kơnuk kơna phrâo ngă hră Pơtrun mrô 66 kơ Hơdră mă bruă mơ̆ng Kơnuk kơna ngă tui Hră pơtrun 41 mơ̆ng Ding jum kơđi čar. Tui hăng anun, tơhnal pơkă mơ̆ng ră anai truh thun 2030, hơmâo boh ƀiă ñu 2 klăk anom bruă bơwih ƀong sĭ mơdrô, amăng anun akŏ pơdong hăng pơđĭ kyar lu mơnuih ngă bruă sĭ mơdrô  git gai lu group sĭ mơdrô pơprong bơwih ƀong huă kơtang, hơmâo tơlơi gêh găl, pran jua mă bruă dưi pơhno amăng anih anom sĭ mơdrô lơ̆m dêh čar laih anun jar kmar, pơđĭ tui tơlơi gơgrong ba pok jơlan kơ djop gơnong bruă, djop mơta bruă yôm bơwih ƀong huă.

Pơhiăp git gai ƀơi mông jơnum, Khua anom pơtô bruă ping gah dêh čar ơi Nguyễn Trọng Nghĩa lăi, kiăng kơ Hră pơtrun 41 mơ̆ng Ding jum kơđi čar tañ dưi ngă tui amăng bruă mă tơlơi hơdip mơda rim hrơi, kiăng pơtrut tui pơblih phrâo bruă mă, hơdră pơphun, pok pơhai ngă tui; đing nao, krăo lăng, pơtrut pơsur, ĕp tong ten, sem glăi; prăp rơmet klă hloh anŏ gêh găl, mơnuih mă bruă, khut khăt ngă hrŏm abih bang amăng glông bruă kơđi čar, gir run prong hloh pioh ngă tui tŭ yua Hră pơtrun anai.