Tal pơplông anai, hơmâo 18 grup hăng giăm 900 čô čơđai sang hră pơplông hrom. Ƀơi mông pơplông ƀing čơđai sang hră hơmâo atông lu mơta čing hơgor, pơdah tơlơi suang arap gru grua đưm djuai ania Sedang, Bahnar, Jeh Triêng, Jarai…

Laih dơ̆ng pơhrôp glăi lu tơlơi ngui ngor mơak, ngă yang đưm amăng plơi pla, kah hăng ngă yang huă asơi hle, ngă yang pin ia. Jơnum pơplông čing hơgor-suang arap djru hrom kiăng djă pioh pơđĭ tui rơnoh yôm gru grua čing hơgor djuai ania ƀiă. Pơtrut pran jua thâo khăp djă pioh hăng pơ-ư ang gru ama grua amĭ plơi pla, lŏn ia ta pô brơi kơ čơđai sang hră kiăng hơmâo mông mơak, ngui ngor tơpă ƀơi djop sang hră đôm lăm amăng tơring čar Kon Tum.