VOV4.Jarai-Tui hăng akŏ bruă, Jơnum ruah khua khul tơdăm dra mut phung rơnuk HCM gah anom bruă ling tơhan tal X amra pơphun amăng lơ 11 hăng lơ 12/10 anai, ƀơi plơi prong jưh jom Hà Nội, hơmâo 450 čô tơdăm dra hlăk ai mut phung nao jơnum sit nik.

Jơnum ruah khua khul tơdăm dra rơnuk HCM gah ling tơhan tal 10 amra pơtong glăi boh tơhnal ngă bruă amăng tơdăm dra mut phung laih anun bruă mă mơ̆ng hlăk ai 5 thun mơ̆ng thun 2017-2022; pơtong rơđah bruă či ngă pơ anăp anai dơ̆ng mơ̆ng thun 2022-2027; pơƀut glăi bruă mă hăng apah bơni kơ khul grup, hlăk ai tơdăm dra ngă bruă hur har, rơgơi kơhnâo amăng bruă mă gah hlăk ai tơdăm dra mut phung, amăng bruă ƀư̆ pơkra pran jua, gir run hrăm, mă bruă kơsung nao pơ anăp, khin hơtai ngă bruă kiăng tŭ yua mơ̆ng thun 2017-2022 hăng pơphun bruă mă bơkơtưn nao rai dơ̆ng mơ̆ng thun 2022-2027.

Jơnum anai amra pơgôp hiăp kơ hră pơtrun jơnum mơ̆ng khua mua khul hlăk ai tơdăm dra mut phung rơnuk HCM dêh čar tal 11 gah ling tơhan pioh pơdah thâo amăng mông jơnum prong ruah khua tơdăm dra mut phung rơnuk HCM đơ đam dêh čar tal 12; ruah ƀing pơ ala kơ tơdăm dra gah ling tơhan nao jơnum hrom khua mua hlăk ai tơdăm dra mut phung rơnuk HCM tal 12 rơwang bruă 2022-2027.

Nay Jek: Pơblang