Pơhiăp ƀơi mông jơnum, Khua git gai Ping gah ơi Tô Lâm, Khua ping gah khul ling tơhan dêh čar lăi rơđah 6 mơta bruă yôm phun hmư̆ hing mơ̆ Ping gah ling tơhan hơmâo ngă amăng rơwang bruă rơgao, amăng anun hơmâo bruă ngă bơkơnar 6 mơta hơdră akŏ pơdong ling tơhan kjăp kơtang gah kơđi čar hơmâo pơsit amăng Tơlơi pơtrun jơnum ruah khua ping gah ling tơhan tal 11, Ping gah khul ling tơhan dêh čar ba tơbiă pơhrua tui lu hơdră ngă bruă sit nik, lăp djơ̆ hăng tơlơi kiăng wơ̆t hăng tơlơi đĭ kyar mơ̆ng rơnuk pơplih phrâo.

Biă ñu, ƀing khua, ling tơhan leng jing khul ngă bruă yom phun, kơsung nao pơ anăp, hur har pran jua, pơgang klin kheng, hyu ĕp, djru mơnuih bưp tơlơi truh; ƀu hŭi glêh tơnap, djai drơi pô, amra nao pơ anih hơmâo tơlơi truh prong, hŭi rơhyưt, djru pơgang ba tơlơi hơdip, gơnam tam mơ̆ng mơnuih ƀôn sang, amăng dêh čar wơ̆t hăng čar rơngiao. Khua git gai ping gah kiăng, pơtrut kơtang akŏ pơdong khul tơhan mơnuih ƀôn sang ngă hơkrŭ, thâo rơgơi, sit nik, pơplih phrâo. amăng anun, “ngă hơkrŭ, sit nik, rơgơi kơtang” hơmâo ngă na nao, laih anun đĭ tui na nao amăng rơbêh 80 thun akŏ pơdong, blah ngă, blah dưi hăng kjăp pran mơ̆ng ling tơhan; samơ̆ kiăng pơtrut tui hloh dong amăng rơwang bruă phrâo./.