Jơnum sang čơ pơtum pơƀut rơbêh 250 anih pơdă prưng mơng rơbêh 100 anom bruă sĭ mơdrô, anom bơwih ƀong hrŏm, hơdôm anih pơkra gơnam mơng 16 boh tơring čar, ƀôn prong đơ đam dêh čar, pơdă hơdôm gơnam OCOP, gơnam pơkra mơng ƀon lan ba gru, gơnam kual čư̆ siăng hăng anih ƀong gơnam ƀong ƀơi kual Dap kơdư. Anai lĕ bruă pơsur sĭ mơdrô yôm phăn amăng rơnuč thun, ngă pơlir sĭ mơdrô, lăi pơthâo gơnam yôm phara hăng djru brơi anom bơwih ƀong sĭ mơdrô pok prong sĭ gơnam.

Yă Đỗ Thị Thu An, Khua gơnong bruă sĭ mơdrô hăng tuh tia pơkra ming Dak Lak brơi thâo, jơnum sang čơ pơphun amăng hrơi blan hơmâo lu mơnuih blơi yua gơnam rơnuč thun, lơm lu gơnam hơmâo ruah mơng ƀon lan. Hơdôm anom bruă mut hrŏm ƀu djơ̆ kơnong đing nao ba gơnam hiam hơdjă đôč ôh mơ̆ ăt nua gap ƀrô, lăp djơ̆ tơlơi kiăng mơng mơnuih ƀôn sang, sit biă ñu amăng bơyan ngui Tết tui phiăn juăt pơ anăp.