Mông jơnum đing nao pơčrông lô, tŭ ư hăng hơdôm boh tơhnal lăng glăi boh than pok pơhai ngă tui amăng hơdôm thun laih rơgao, sit biă ñu hơdôm bruă dua bơnah dưi pơsir hĭ khut khăt, hơdôm bruă dŏ pơkŏng glăi, hơdră pơsir kah hăng hơdôm bruă jao, jơlan gah phrâo amăng thun 2024.

Pơđut mông jơnum, dua čô khua dêh čar lăi pơtong amra khut khăt amăng bruă git gai mơng djop Ding jum, gơnong bruă, ƀon lan, anom bơwih ƀong sĭ mơdrô, anih anom bơdjơ̆ nao gum hrŏm kjăp pok pơhai ba glăi tŭ yua amăng hơdôm tơlơi pơkôl, tơlơi ƀuăn, tŏ tui ngă gêh gal brơi klă hloh brơi anom bơwih ƀong sĭ mơdrô dua bơnah ngă hrŏm tuh pơ alin, bơwih ƀong sĭ mơdrô. Dua bơnah đăo gơnang tơlơi truh kih mơng jơnum anai amra ba glăi tơlơi pơtrut phrâo ngă tơlơi rô nao rai ngă hrŏm kơplah wah dua bơnah jai hrơi pơđĭ kyar, dơlăm tui, sit nik, đăo gơnang, ba glăi tŭ yua, amra ƀu pơdơi hơkrŭ kjăp tơlơi rô nao rai giang mah, gum pơgôp yôm phiăn hăng ngă hrŏm djop mơta Việt Nam-Lao pơ anăp anai.