Jơnum hơmâo anăn “Yŭ hla kơ hing ang mơng Ping ga, gum hrŏm, mut hrŏm ngă truh kih hơdôm hơnong pơkă pơđĭ kyar lŏn ia ta truh thun 2030; gơgrong khin hơtai anăp nao rơnuk hrưn đĭ mơng djuai ania, yua kơ tơlơi rơnuk rơnua, rơngai, ngă pô, prong kơtang, pơdrong sah, hiam klă, yâo mơ-ak, kjăp pran yak đĭ chủ nghĩa xã hội”, hăng tơlơi mut hrŏm mơng 1.586 čô khua mua, ƀing mơnuih pơ ala brơi rơbêh 5,6 klăk čô mơnuih Ping gah amăng đơ đam dêh čar.

Amăng mông jơnum, ƀing khua mua amra pơčrông sai, pơsit mă yua lu hră pơ-ar yôm phăn, hơmâo hră lăi pơthâo kơđi čar mơng Khul apăn bruă Ping gah tal XIII, hơdôm hră lăi pơthâo klah čun kơ boh tơhnal, tơlơi sit nik amăng bruă pơplih phrâo, bruă ngă tui tơhnal pơkă mơng Ping gah hăng lăng glăi tơlơi git gai mơng Ping gah tal XIII, jơnum tal XIV pơtum pơƀut pran đăo gơnang, tơlơi čang rơmang pơđĭ kyar, pơsit tong pran kơtang, tơlơi thâo thăi hăng pran gơgrong mơng Ping gah, abih bang mơnuih ƀôn sang, ling tơhan, ngă atur kiăng lŏn ia ta kjăp yak nao rơwang pơđĭ kyar phrâo.