Lơ 10/11, Khul mơnuih bơwih ƀong sĭ mơdrô hlăk ai tơring čar Daklak pơphun Jơnum tô nao rai bruă sĭ mơdrô, gum hrom sĭ mơdrô hăng tuh pơplai hăng tơlơi gum hrom mơng giăm truh kơ 40 Khul bơwih ƀong sĭ mơdrô hlăk ai hơdôm bôh tơring čar, ƀôn prong, gơnong bruă, khul grŭp hăng giăm truh 1.000 čô mơnuih pơ ala lĕ mơnuih hlăk ai bơwih ƀong amăng đơ đam dêh čar. Bruă jơnum đing nao hơdôm anăn ñu “Pơplih mrô pơđĭ tui nua gơnam Việt”; Daklak – Anih nao mơng ƀing tuh pơplai kơ bruă đang hmua rơnuk anai; Ba gơnam đĭ hăng dlông măi mok sĭ mơdrô hăng tơhnal sĭ gơnam mơng Daklak kơ dêh čar tač rơngiao.

Bruă jơnum ăt lăi pơthâo mơn hơdôm anăn rơwang bruă ngă pơhư̆č tuh pơplai amăng tơring čar Daklak, bơkơtuai lăi pơthâo tơhnal tuh pơplai hăng anô̆ gal pơđĭ kyar mơng tơring čar Daklak.

Amăng mông jơnum hmâo 22 bôh anom kĭ pơkôl hơdôm hră pơ-ar čih djă pioh “Tô nao rai bruă sĭ mơdrô, gum hrom sĭ mơdrô hăng tuh pơplai”. Tal anai, Khul hlăk ai bơwih ƀong Việt Nam ƀơk 2 bôh sang dô̆ khăp păp hmâo nua 110 klăk prăk kơ hơdôm bôh sang anô̆ tơnap tap ƀơi tơring glông Čư̆ Kuiñ, tơring čar Daklak; ƀơk 50 anung gơnam kơ mơnuih djơ̆ jrao dioxin amăng tơring čar, nua ñu 100 klăk prăk./.