Pơhiăp git gai mông jơnum, Khua dêh čar Phạm Minh Chính lăng yôm, bơni kơ tơlơi gir run hăng boh than ba glăi mơ̆ng abih bang khua mua, mơnuih mă bruă amăng anom bruă man pơphô hăng tuh pơ alin laih anun jŭ yap, djru bruă pơđĭ kyar bơwih ƀong huă mơnuih mơnam mơ̆ng lŏn ia ta amăng thun 2023 wơ̆t hăng hrơi blan rơgao. khua dêh čar lăi pơtŏng, thun 2024 jing thun pơplih prong, yôm biă mă amăng bruă ngă truh kih Akŏ bruă 5 thun 2021-2025.

Him lăng amăng thun 2024 amra hơmâo tơlơi tơnap tap, laih anun amra tơnap hloh kơ thun 2023 dong. Ding jum man pơphô hăng tuh pơ alin kiăng ngă klă bruă hơmâo jao, pơtrut tui tơlơi gơgrong bruă jing anom pơphô bruă. Ping gah, Kơnuk kơna čang rơmang hăng đăo kơnang kơ Ding jum anai lêng hơmâo tơlơi pơmin rơgơi, hơdeč hmar, thâo rơđah djŏp bruă hơmâo ƀơi rŏng lŏn tơnah, mơ̆ng lŏn ia laih anun dưi lăng nao pơ anăp, pơphô bruă prong kơ bơwih ƀong huă mơnuih mơnam kơ Ping gah, Ƀirô khua pơ ala mơnuih ƀôn sang, Kơnuk kơna.