Tui hăng tơlơi rơkâo đĭ, bruă tuh pơ alin anai lĕ kơnuk kơna hăng anom bơwih ƀong gum ngă, kĭ pơkôl BOT hơmâo tom prăk mơ̆ng Kơnuk kơna hai. Jơlan rơdêh đuăi hmar Nha Trang - Dà Lạt glông rơbêh 80km, gah akŏ ñu tơkuh hăng jơlan rơdêh đuăi hmar Kơdư - Dơnung gah Ngŏ ƀơi să Diên Thọ, Khánh Hòa, tuč rơnuč ñu tơkuh hăng jơlan Liên Khương - Prenn ƀơi phường Xuân Hương tơring čar Lâm Đồng.

Jơlan anai hơmâo pơkra rơdêh dưi pơđuăi 80-100km/mông, hơmâo 4 glông jơlan hiam, prăk tuh pơ alin man pơkra năng ai ñu 25.000 klai. Hrơi prăp rơmet mơ̆ng thun 2024 truh thun 2025, him lăng pơkra amăng thun 2026-2028. Bruă pơkra jơlan Nha Trang - Đà Lạt ƀu kơnong kiăng nao rai mơak, pơgiăng gơnam jai hrơi lu đôč ôh mơ̆, ăt pok rai kual pơđĭ kyar phrâo kơ dua anih tuai čuă ngui prong hloh mơ̆ng dêh čar ta, pơtrut đĭ kyar kjăp kơ kual Dơnung Tong Krah hăng Dap Kơdư./.