Khánh Hòa ngă giong bruă prăp ruah khua tañ ƀơi Puih tơhan Lữ đoàn Đặc công Nước 5
Thứ sáu, 10:31, 06/03/2026
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV.Jarai-Lơ 5/3, ƀơi Lữ đoàn Đặc công Nước 5, phường Đông Hải, tơring čar Khánh Hòa, kual plĕ hră mrô 4 hơmâo pơphun plĕ hră ruah khua tañ, ruah ƀing pơ ala mơnuih ƀôn sang dêh čar tal XVI hăng ƀing pơ ala mơnuih ƀôn sang djop gưl guang bruă thun 2026-2031, hăng ƀing plĕ hră ruah khua lĕ jing khua mua, khul ling tơhan gah Binh chủng Đặc công, prăp či nao mă bruă amăng kual ia rơsĭ, bul pơtâo plao ia rơsĭ.
Kual plĕ hră hơmâo prăp lui tong ten, djơ̆ tơlơi pơkă tơpă hnơ̆ng. Tơdơi kơ jơnum pơphun plĕ hră, Grup plĕ hră ruah khua lăi pơthâo tơlơi phiăn mut plĕ hră, dưm hră, čih anăn, pơtô brơi akŏ klôn bruă plĕ hră ruah khua hlong mut nao plĕ hră yơh.
Bruă pơphun plĕ hră ruah khua tañ, djru kơ ƀing khua mua, ling tơhan ngă tui djop tơlơi dưi, bruă ngă mơ̆ng gơñu hlâo kơ nao mă bruă pơ ataih. Bruă ruah khua pơphun rơnuk rơnua mơak hruaih, pơhaih tong ten djơ̆ tơlơi phiăn.
Viết bình luận