Tui hăng akŏ bruă Jơnum min mơnuih ƀôn sang tơring čar Khánh Hòa, djop bruă mă phun tuh tia pơkra ming hăng măi mok, pơkra rai boh thâo ia rơgơi; ba yua apui lơtrik hơdjă; điện tử, dăng kông, ia rơgơi ană mơnuih pơjing rai juăt lăi AI hăng djă pioh mrô rơnoh. Tơhnal pơkă truh thun 2030, rơnoh pơkra ming tuh tia pơkă rơnoh đĭ tui rim thun mơ̆ng 15-20%; bruă pơkra ming, pơčeh phrâo mơ̆ng 20-30% GRDP.

Tơring čar anăp nao đing hlâo kơ djop anom bruă mă yua boh thâo ia rơgơi hăng rơnoh sĭ mơdrô đĭ kah hăng pơkra hrĕ pơkĕ apui añĕ dưm amăng măi arăng lăi bán dẫn, gơnam yua gah ia jrao, gơnam či pơkra ming phrâo, tia tơƀeñ, khuer hăng măi mok djơ̆ lăp, bruă yua ia rơgơi amăng pla pơjing pơgang mơnong hơdip hăng măi mok djru pran ană mơnuih; lah dơ̆ng kơtưn pơkra ming apui lơtrik hơdjă, rơgoh. Jơlan glông nao rai amăng kual ƀut sang măi tuh tia pơkra ming dưi pơtrut pơđĭ kyar tong ten hloh, amăng anun anih bơwih ƀong huă Vân Phong dưi pơtong glăi lĕ kual ngă bruă phun.