Lăi nao bruă jao kơ Anom bruă hơduah ĕp kơđi thun 2026 hăng hơdôm thun tŏ tui jing prong biă mă, Khua git gai Ping gah pơtă hlâo, ƀing khua, ling tơhan Anom bruă hơduah ĕp kơđi Ding jum kông an pơtrut tui tơlơi pơmin kjăp kiăo tui Ping gah, Kơnuk kơna hăng mơnuih ƀôn sang, ngă truh kih djŏp bruă jao bong hơđong rơnuk rơnua kơđi čar; pơsit tơlơi gơgrong thâo pơčeh phrâo, ĕp jơlan ngă gêh găl kiăng pok pơhai tŭ yua bruă akŏ pơdong hăng pơgang lŏn ia.

Rơngiao kơ anun dong, Khua git gai Ping gah ăt kiăng mơn, Anom bruă hơduah ĕp kơđi kiăng thâo djŏp tơlơi rung răng tañ, thâo mơ̆ng ataih, ƀu dưi sư̆ rơbư̆ ôh; thâo rơđah, pơsir djơ̆ kơđi tơlơi rơnuk rơnua dêh čar, kiăo tui tơlơi gêh găl, klă kơ lŏn ia ta; tañ thâo krăn, hơduah ĕp tañ, pơsir hĭ djŏp bruă pôr pơthâo ča čot, ngă rung răng tơlơi pơtrun mơ̆ng Ping gah./.