Ƀơi anih plĕ hră phường Hải An, ƀôn prong Hải Phòng, ơi Trần Thanh Mẫn pơtă pơtăn, hơdôm anih plĕ hră khŏm thâo rơđah akŏ tlôn, đah mơ̆ng ngă djơ̆, ngă tơpă, ƀu pioh hơmâo tơlơi soh; biă ñu khŏm kơđiăng, bu dưi lui hĭ bruă hơget ôh amăng tơlơi pơtrun; laih dong ngă amuñ brơi ƀing nao plĕ hră tañ, ƀơi anăp.

Khua git gai pơ ala mơnuih ƀôn sang dêh čar ơi Trần Thanh Mẫn lăi, anai jing tal ruah khua blung a hơmâo ngă tui djŏp bruă mă yua boh thâo mrô mơ̆ng Gơnong dlông truh pơ să amăng bruă čih anăn mơnuih nao plĕ hră hăng ƀing tơbiă anăn či ba ruah. Yua hnun ăt hơmâo mơn anŏ tơnap ñu, yua hnun hơdôm anom bruă kiăng ngă hrŏm klă. Khua git gai pơ ala mơnuih ƀôn sang pơtă hlâo, ƀôn prong Hải Phòng kiăng pơsir hră pơ-ar rơkâo tañ, djơ̆ tơlơi phiăn, djơ̆ anom bruă dưi ngă, djơ̆ hrơi pơkă: sem lăng hrơi mông hlâo či plĕ hră djơ̆ bruă jao mơ̆ng lơ 02/3/2026 truh lơ 14/3/2026; bruă pôr pơthâo ruah khua khŏm hơmâo ngă djŏp, abih bang mơnuih ƀôn sang thâo./.