Ngă tui tơlơi git gai mơ̆ng Kơ-iăng khua dêh čar ơi Trần Hồng Hà ƀơi mông jơnun mơ̆ng ataih amăng tivi tal 31 Khul git gai bruă Dêh čar kơ pơgăn mă akan hơdang soh tơlơi phiăn, ƀu lăi pơthâo hăng ƀu ngă tui tơlơi pơkă (arăng iâu IUU), Jơnum min mơnuih ƀôn sang tơring čar Lâm Đồng phrâo hơmâo hră git gai hơdôm gơnong bruă, plơi pla pok pơhai khut djŏp bruă wai lăng ƀat tô mă akan ƀu dưi nao pơ ia rơsĭ mă akan. Jơnum min mơnuih ƀôn sang tơring čar Lâm Đồng kiăng Gơnong bruă hmua hăng ayuh hyiăng ngă bruă re se, git gai Anom bruă Akan hơdang hăng Ia rơsĭ ječ ameč jŭ yap, čih glăi djŏp ƀat tô ƀu dưi nao pơ ia rơsĭ mă akan kiăo tui rim boh să.

Bruă jŭ yap hơmâo mrô gru ƀattô, anăn pô ƀat tô, mrô pơkă VNeID, anih dŏ, hăng mrô telephôn či hiăp tom, mơit kơ hơdôm boh tơring hlao amăng lơ 26/2/2026 či wai lăng kjăp. Yap truh rơnuč blan 2/2026, tơring čar Lâm Đồng hơmâo8.207 boh ƀat tô mă akan; amăng anun 7.234 boh ƀat tô dŏ hrơi pơkă brơi mă bruă, hơmâo rơbêh kơ 88%; 937 boh ƀat tô ƀu dưi nao mă akan dong tah hơmâo čih anăn krăp lăng laih anun ƀu brơi nao pơ ia rơsĭ dong tah./.