Tlam lơ 26/2, ƀơi Sang bruă Kơnuk kơna, Khua dêh čar ơi Phạm Minh Chính tŭ jum Khua anih jưh pơ ala dêh čar Bỉ ƀơi Việt Nam ơi Karl Van Den Bossche, pơčrong sai kơ bruă ngă hrŏm dua bơnah Việt Nam-Bỉ, boh nik ñu amăng bruă bơwih ƀong huă-sĭ mơdrô-tuh pơ alin hăng djru pơsir anŏ răm ƀăm jrao hret rơnuk blah wang đưm ƀơi Việt Nam. Lăi pơtong, Việt Nam lăng kơ dêh čar Bỉ jing bơnah ngă hrŏm yom biă mă ƀơi kual EU, Khua dêh čar rơkâo dua bơnah ăt ngă kơjăp tui tơlơi đăo kơnang nao rai bruă kơđi čar, kơnang kơ bruă pơblih khua mua pơprong hyu čuă jơmư trư găn djop gưl, djop plăng tơlơi pơhing; kiăng pơđĭ tui boh tŭ yua bruă ngă hrŏm dua bơnah, ngă hrŏm tong ten ƀơi mông jơnum pơčrong sai amăng jar kmar.

Laih dơ̆ng dua bơnah ăt djă pioh hăng pơtrut kơtang bruă ngă hrŏm mơ̆ng gru grua gah ling tơhan, pơgang rơnuk rơnua, gru grua hiam, pơtô hrăm hăng pơtô pơjuăt  gah bruă pơhlom anŏ ngă pơblih ayuh hyiăng lŏn tơnah, tuai čuă ngui…laih anun pok prong bruă ngă hrŏm gah bruă kơsem min boh thâo ia rơgơi, pơkra čip pơkĕ apui lơtrik dưm amăng măi mok, gah bruă jơlan glông hăng pơdŭ pơgiăng….Ƀrô tal anai, Khua dêh čar pơ-añă glăi tơlơi bơni kơ khua mua pơ ala mơnuih ƀôn sang gah gơnong yŭ hơmâo pơsit brơi Hră pơtrun djru kơ mơnuih djơ̆ jrao hret ƀơi Việt Nam, blan 10/2023, djru ba pơtrut bruă ngă hrŏm mơ̆ng jar kmar kiăng đing nao kơ tơlơi anai.