Khua mua tơring čar Dak Lăk tŭ yap tơlơi gum pơgop prong mơ̆ng rơbêh 11.500 čô khua, mơnuih mă bruă ia jrao amăng đơ đam tơring čar, amăng anun hơmâo 240 čô ơi ia jrao, mơnuih mă bruă mơ̆ng sang ia jrao, hăng bruă djru wai lăng tơlơi suaih pral kơ mơnuih ƀôn sang. Khua jơnum min mơnuih ƀôn sang tơring čar bơni hơ-ơč kơ abih bang ơi ia jrao kiăng pơtrut tui pran jua,  pơjrao brơi mơnuih duam ruă klă hloh, djơ̆ hăng tơlơi kiăng mơ̆ng mơnuih ƀôn sang ƀơi Buôn Ma Thuột hăng plơi pla iao gah.

Mơ̆ng blung a hơmâo năng ai 100 boh sưng đih đôč, truh ră anai sang ia jrao hơmâo laih 280 boh sưng; anih anom, gơnam yua, măi mok hơmâo blơi phrâo, plai ƀiă laih nao pơjrao pơ sang ia jrao prong hloh. Hăng tơlơi kiăng bơwih brơi jai hrơi prong, anih anom, măi mok kiăng yom tui mơn, khua mua tơring čar kiăng sang ia jrao pơplih phrâo, bơwih brơi klă hloh./.