Črăn bruă phun lĕ čuk pơdăo giăm 20.000 met karê kual lŏn, amăng anun 18.000 met karê lĕ lŏm hăng bư̆ bôr hang ia rơsĭ tong wing Cam Ranh, hrŏm hăng man pơkra akŏ tli hang ia rơsĭ glông ataih rơbêh 500 met (mơkrah km). Anai lĕ atur pioh ngă, pok pơhai man pơdong hơjai dưm ia săng hăng ia jâo laih anun ia luil, graih rơdêh por kơñ pơgi. Kơčăo bruă anai rơnoh prăk tuh pơ alin truh kơ 150 klai prăk.

Sit ngă giong 2 črăn bruă, ring bruă dưi răk djă pioh 15.000 met khô̆i ia săng, đơ đam anih prong rơhaih 12.000 met karê, boh dlông pơnăng man đĭ ƀu rơgao 17,2 met ôh. Črăn 1 him lăng man pơdong amăng 23 blan, kơnong kơ ring bruă lŏm hăng bư̆ bôr hăng ia rơsĭ, kơdun nao amăng jơlah ia rơsĭ lĕ či ngă giong amăng 10 blan. Črăn 2 amra pok pơhai tơdơi kơ anun hăng him lăng ngă giong amăng blan 8/2026. Ring bruă anai čang rơmang biă mă, jing hơjai djă pioh răk lui ia jâo, ia săng hăng ia luil graih rơdêh por Cam Ranh, djru pơđĭ tui djă pioh ia săng, ia luil kơ rơdêh por hăng bơwih brơi bruă ngă tui logistics amăng kual Dơnung Tong krah.