Kơčăo bruă anai prong giăm 290ha, pơphun pơkra mơ̆ng blan 8, truh ră anai hơmâo pok anih čuk pơkra rơbêh 116 ha. Pô tuh pơ alin hơmâo brơi hră dưi yua lŏn rơbêh 66ha, dưi pơkra amăng rơwang blung a. Khă hnun hai, bruă duh lŏn ăt dŏ gun mơn yua guai lŏn bơrơkua nao rai, aka ƀu djŏp hră pơ-ar, hăng bruă ană plơi hlong či man pơkra či tơguan arăng duh prăk. Viglacera ƀuăn ngă tañ ƀiă jing 1 thun, pơphun ngă abih bang mơ̆ng blan 11, truh 3 blan tal 1 thun tơdơi anai pơkra giong 50ha anih anom či jao kơ pô tuh pơ alin tal dua.

Lơ̆m ngă giong, kual sang măi jing tơlơi yom phun pơtrut đĭ kyar măi mok boh thâo phrâo, logistics hăng plơi prong djru ba kual Vân Phong, djru brơi lu mơnuih hơmâo bruă mă, pơhưč prăk tuh pơ alin amăng dêh čar ta wơ̆t hăng čar rơngiao, djru ba bruă pơkra măi mok ia rơgơi jing tơlơi yom phun mơ̆ng tơring čar./.