Khul git gai plĕ hră tơring čar pơphun 4 grup hyu pel ĕp tơl anih ƀơi hơdôm grup plĕ hră, anih plĕ hră, ĕp lăng tong ten rĭm bruă pơphun, pơhlôm djơ̆ tơlơi phiăn, rơnuk rơnua, sir kjăp. Truh ră anai, 65/65 boh să, phường, kual bul pơtâo ƀơi tơring čar Khánh Hòa hơmâo pơgiong bruă čih anăn hăng tĕp lăi pơthâo anăn apăn mơnuih ƀôn sang ruah khua, tơlơi pơhing kơ ƀing tơbiă anăn ruah khua tui tơlơi pơkă.

Hơdôm boh ƀon lan tŏ tui pel ĕp anŏ amra pơplih anun plĕ mơnuih hyu mă akan hơdang sui hrơi, ƀing nao ngă tơhan, ƀing ataih mơng plơi pla…kiăng pơhlôm tơlơi dưi plĕ hră mơng mơnuih ƀôn sang ngă tui djop, anăm brơi soh glăi. Hrŏm hăng gơnam măi mok, bruă pơtô pơblang hơmâo pơtrut tui jơlan gah hơdeč hmar, lăp djơ̆ tơl rĭm ƀon lan; đing nao pơtrut pơsur mơnuih ƀôn sang glăk đuăi hyu dŏ, mơnuih hyu mă akan hơdang, ƀing kŏm drơi jăn tui đăo; pơtô pơblang lu ƀiă dong hăng tơlơi Raglay, Êđê, Chăm ƀơi kual mơnuih djuai ania ƀiă.