Khánh Hoà ruah 417 čô mơnuih mă bruă, pơhrua tui mơnuih mă bruă kơ sang să
Thứ hai, 15:47, 25/05/2026
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV.Jarai - Jơnum min mơnuih ƀôn sang tơring čar Khánh Hoà phrâo pơtrun bruă ruah mơnuih mă bruă thun 2026 či pơhrua tui mơnuih mă bruă rơgơi, thâo pơmin, djơ̆ hăng tơlơi kiăng mă bruă ƀơi hơdôm anom bruă, hăng ƀơi să phường amăng tơring čar.
Tui hăng akŏ bruă, tơring čar hơmâo ruah 417 čô, hăng hơdôm bruă mă kiăo tui hăng hơnong pơkă ngạch chuyên viên laih anun bơkơnar hăng anun mơn. Bruă anai pơkă 2 mơta hơdră či ruah, ruah tui hră pơ-ar hăng ruah tui mrô puang pơplông. Amăng anun ruah tui hră pơ-ar hrăm lĕ kiăo tui khul ngă pơhưč, iâu mơnuih rơgơi mơbruă tui hăng tơlơi pơkă mơ̆ng Kơnuk kơna; bơ dŏ glăi lĕ pơplông.
Jơnum min mơnuih ƀôn sang tơring čar Khánh Hoà kiăng hơdôm gơnong bruă, să phương pôr pơthâo djŏp đah mơ̆ng pơhưč lu mơnuih nao mơit hră, ruah mă mơnuih rơgơi, biă ñu lĕ ƀơi să - anih glăk kơƀah mơnuih samơ̆ bruă lu biă mă tơdơi kơ ngă tui gong gai dua gưl./.
Viết bình luận