Pơ ala kơ khua mua Ping gah, Kơnuk kơna, Jơnum min djŏp djuai ania mơnuih mơnam Việt Nam, ơi Trịnh Văn Quyết bơni hơ-ơč kơ Hrơi ngă yang Phật đản rơnuk rơnua, yâo mơak hăng abih bang mơnuih tui đăo phơ̆t, ƀing yă yơng, ơi phơ̆t amăng đơ đam dêh čar. Khua anom pơtô bruă Ping gah hăng pơtô ba mơnuih ƀôn sang đăo kơnang, hăng tơlơi pơmin hiam, rơgơi, thâo khăp ƀu-eng, rơngai, laih anun khăp kơ lŏn ia, Khul đăo phơ̆t Việt Nam amra gum hrŏm hăng djuai ania ta; iâu pơthưr ƀing kŏm drơi kơ đăo, ơi phơ̆t yă yơng gir bơkơtưn khăp kơ lŏn ia, gum pơgôp đĭ kyar lŏn ia ta.

Ƀrô tal anai, Khua anom pơtô bruă Ping gah hăng pơtô ba mơnuih ƀôn sang dêh čar ơi Trịnh Văn Quyết bơni hơ-ơč kơ Khul đăo phơ̆t Việt Nam pơphun truh kih Jơnum ruah khua amăng Khul đăo phơ̆t tal X. Laih dong tŭ yap hơdôm tơlơi gum pơgôp prong mơ̆ng ƀing kŏm drơi kơ tơlơi đăo hăng tơlơi đĭ kyar mơ̆ng lŏn ia, ngă kjăp tui khul gum pơgôp djuai ania./.