Khua anom pơtô bruă ping gah dêh čar ơi Nguyễn Trọng Nghĩa git gai mông jơnum bưp ƀô̆ mơta tal anai. Pơ anai, lu khua mua nao jơnum hơmâo hmư̆ lăi pơthâo boh tơhnal kơ bruă pôr pơthâo tơlơi pơhing, bruă pơtô pơblang mơ̆ng anom bruă čih tơlơi pơhing, in hơdrôm hră, gru grua pơčeh phrâo hơ̆k hơr pok pơhai ngă tui Hră pơtrun jơnum ruah khua ping gah dêh čar tal XIII; bruă mă prăp lui jơnum prong hơdor glăi 70 thun hrơi blah dưi ƀơi Điện Biên Phủ.

Khua mua hơdôm anom bruă čih tơlơi pơhing, anom bruă pơčeh tơlơi hơ̆k hơr pơgôp hiăp kơ bruă akŏ pơdong, ngă kơtang tơlơi pơmin pran jua bruă mă čih tơlơi pơhing amăng rơnuk phrâo. Khua anom pơtô bruă ping gah dêh čar, ơi Nguyễn Trọng Nghĩa rơkâo, pơ anăp adih, djop sang bruă čih tơlơi pơhing, anom bruă in hơdrôm hră pơar, pơčeh tơlơi hơ̆k hơr amăng kual čư̆ siăng gah kơdư dêh čar hur har hloh pok pơhai ngă tui Hră pơtrun, hră klah čun mơ̆ng Ping gah, khua pơ ala mơnuih ƀôn sang dêh čar hăng djop hơdră, akŏ bruă či ngă mơ̆ng Kơnuk kơna.