VOV4.Jarai-Tlam lơ 10/6, ƀơi Hà Nội, grup khua mua ping gah yua kơ ơi Lê Hoài Trung, ding kơna ping gah dêh čar, Khua anom pơtom hiăp ping gah dêh čar ba jơlan hlâo nao jơnum hrom mơ̆ng ataih, lăng nao rai amăng tivi djop ping gah pơlir jar kmar yua ping gah dêh čar Nga pơlir sa git gai ƀơi Sakhalinsk.

Mông jơnum abih bang lăng amăng tivi mơ̆ng Hà Nội

Pơhiăp đĭ amăng mông jơnum, ơi Lê Hoài Trung lăi pơthâo hơdôm jơlan hơdră, tơlơi phiăn pơkă bruă pơđĭ kyar hơđong mơ̆ng Việt Nam; lăi pơtong jơlan hơdră pơđĭ kyar hơđong kjăp mơ̆ng Việt Nam, kiăng nao hrom bruă mă djơ̆ hrom hiam klă hăng rŏng lŏn tơnah kiăng mă yua, man pơdong djơ̆ gêh găl hăng Việt Nam, tơlơi anăp nao hluh gah sa hnong lĕ kơtưn man pơdong lŏn ia mơnuih ngă khua pô bơkơnar "Mơnuih ƀôn sang pơdrong, lŏn ia kơtang, mơnuih ƀôn sang ngă pô, bơkơnar, thâo rơgơi"; pơčrông sai hơdôm jơlan hơdră mă bruă ngă hrom jar kmar kiăng ngă tui djơ̆ tơhnal pơkă pơđĭ kyar hơđong kjăp, ngă hrom mơak bruă kơđi čar djop bơnah.

VOV-Nay Jek: Pơblang