Jơnum ngui hơdor glăi bruă blah dưi Ngọc Hồi – Đống Đa ƀudah dô̆ iâo lĕ Jơnum ngui Gò Đống Đa dưi pơphun amăng lơ 5 Tết tui phiăn juăt rim thun pioh hơdor glăi pran jua tuh rơyuh prong prin mơ̆ng pô sông kơtang Quang Trung – Nguyễn Huệ hrŏm hăng ƀing khua tơhan, tơhan Tây Sơn hăng mơnuih ƀôn sang lơm anun, hmâo khin hơtai kơdŏng blah ayăt sua mă lŏn ia, pơgang tơlơi rơngai djuai ania.

Anai ăt lĕ sa amăng hơdôm bruă jơnum ngui tui phiăn juăt prong hloh mơ̆ng ƀôn prong Hà Nội, ngă rŭ đĭ gru grua ư-ang, tơlơi dưi ngă ư-ang mơ̆ng djuai ania. Tui gru grua hơdrôm hră čih glăi, bơyan bơnga thun Kỷ Dậu 1789, kơnang kơ git gai thâo mơ̆ng Quang Trung, khul tơhan Tây Sơn hmâo laih bruă blah tañ, kơtang, blah prai lui 29 rơbăn čô ling tơhan Mãn Thanh sua mă lŏn ia, tlaih rơngai plơi prong Thăng Long. Mơ̆ng anun, sit truh bơyan bơnga glăi, Jơnum ngui hơdor glăi tlaih rơngai Ngọc Hồi – Đống Đa glăi dưi pơphun, ngă pơhưč hơdôm rơbăn čô mơnuih ƀôn sang, tuai hyu čuă ngui nao pơhmư̆, ngă lơphet, tuĭ nang kơ ƀing tơhan sông kơtang djuai ania Tây Sơn./.