Hmư̆ tui tơlơi jak iâu mơng Khua mir sir dêh čar ơi Nguyễn Xuân Phúc, lơ 21/10, Khua čih pioh gah Sang gum hơbit djop dêh čar ơi Antonio Guterres pơphun rai čuă dêh čar Việt Nam. Hơdôm hrơi rơgao, gum hrom kơplah wah Việt Nam hăng Sang gum hơbit djop dêh čar ƀu pơdơi hơkrŭ đĭ hăng kơtưn đĭ.

Tal rai čuă djơ̆ mông hơdor glăi 45 thun Việt Nam mut hrom Sang gum hơbit djop dêh čar hăng Việt Nam phrâo ngă giong prong bruă Ding kơna gum hrom Khul pơgang rơnuk rơnua Sang gum hơbit djop dêh čar, hrom hăng anun ngă ding kơna mơng Khul wai lăng tơlơi dưi ană mơnuih gah Sang gum hơbit djop dêh čar rơwang bruă 2023-2025. Pơkă hlâo amăng tal nao čuă, Khua čih pioh gah Sang gum hơbit djop dêh čar amra nao lăi pơthâo kơ Khua git gai Ping gah dêh čar ta ơi Nguyễn Phú Trọng, bơkơtuai hăng Khua mir sir dêh čar ơi Nguyễn Xuân Phúc, bơkơtuai hăng Khua dêh čar ơi Phạm Minh Chính hăng Khua git gai wai lăng pơ ala mơnuih ƀôn sang ơi Vương Đình Huệ./.