Khua dêh čar ơi Phạm Minh Chính hrom hăng grup khua mua mơ̆ng Kơnuk kơna hơmâo mông mă bruă hăng khua mua tơring čar Bạc Liêu kiăng pơtong glăi boh tơhnal bơwih ƀong huă mơnuih mơnam thun 2022 hăng anăp nao mă bruă pơ anăp dơ̆ng; hơdră pơsir hơmâo rơkâo đĭ, tơlơi tơnap tap, gun gan kiăng djru Bạc Liêu pơđĭ klă hloh amăng bruă mă tơlơi gêh găl, pran kơtang, pơđĭ kyar hmar hloh, hơđong kjăp. Pơhiăp amăng mông mă bruă, Khua dêh čar ơi Phạm Minh Chính rơkâo, tơring čar Bạc Liêu ăt pơtrut bruă mă, pok pơhai ngă tuĭ tŭ yua Hră pơtrun jơnum ruah khua ping gah dêh čar tal XIII; Hră pơtrun jơnum ping gah tơring čar.

Hrom hăng anun, Khua dêh čar pơtrun hiăp, gleng nao akŏ bruă pơkă hnong hneč mă anŏ gêh găl, pok prong anŏ pơtrut pơđĭ kyar phrâo. Tañ ngă giong, pơdah thâo hăng khua dêh čar pơsit hăng pok pơhai tŭ yua akŏ bruă pơkă hnong tơring čar mơ̆ng  mơ̆ng thun 2021-2030, lăng nao pơ anăp adih truh thun 2050. Kơtưn pơgang tơlơi rơnuk rơnua hơđong, pơgang bruă kơđi čar, rơnuk rơnua mơnuih mơnam; nga hrom kjăp hăng dêh čar gơyut gơyâo pơguang jơlan guai dêh čar, ngă gêh găl amuñ hloh pơtrut tơlơi pơđĭ kyar bơwih ƀong huă mơnuih mơnam amăng tơring čar.