Ƀơi mông tŭ jum Khua dêh čar ơi Phạm Minh Chính lăi, Việt Nam lĕ sa boh dêh čar khăp kơ tơlơi rơnuk rơnua mơak klă, jing ding kơna gơgrong hrom hăng jar kmar, lăng yôm kơ bruă ngă hrom lu bơnah, pơđĭ tui tơlơi phun mă bruă djơ̆ tơlơi phiăn jar kmar hơmâo čih pioh laih amăng Hră tơlơi phiăn hrom sang gum hơbit djop dêh čar, amăng anun hơdră pơsir tơlơi rơnuk rơnua anŏ bơrơsua hăng jar kmar.

Việt Nam hlăk akŏ pơjing atur bơwih ƀong huă rơngai, ngă pô, lir hơbit mut phung jar kmar tŭ yua, lu hloh, amăng anun mut hrom jar kmar gah tơlơi phiăn. Yua kơ anun, Khua dêh čar čang rơmang ngă hrom hăng PCA amăng bruă tơña hơduah, kah pơpha tơlơi thâo thăi, djru pơsir tơlơi bơrơsua lơ̆m mut phung jar kmar.