Tui hăng tơlơi lăi pơthâo glăi, thun 2023, bruă pơkra ia jâo hơmâo lu tơlơi truh kih prong,  biă ñu pơkra gơnam sĭ mơdrô, grup hơmâo ngă giong hăng dưi ngă rơgao hơnong pơkă; prăk pơhrui glăi hơmâo rơbêh 942 rơbâo klai prăk, đĭ 11,6 rơbâo klai, hloh kơ thun 2022; jing anom bruă hơmâo tơlơi gum pơgôp prong kơ prăk kăk kơnuk kơna, pơsit tơlơi grong bruă mơ̆ng Grup bơwih ƀong kơnuk kơna prong hloh, bơdjơ̆ nao prong amăng tơlơi bơwih ƀong lŏn ia.

Pơhiăp ƀơi mông Jơnum, Khua dêh čar Phạm Minh Chính kiăng thun 2024, hơdôm bruă hơmâo jao kơ Grup ia jâo khŏm hơmâo ngă tong ten, pơmut amăng hơdră ngă bruă mơ̆ng Grup ăt kah hăng mơ̆ng rim anom bruă đah mơ̆ng hơmâo ngă hăng pel ĕp, krăp lăng. Abih bang Grup, biă ñu ƀing khua khŏm gum pơgôp, gir ngă bruă, khin pơmin khin ngă, akŏ pơdong hăng pơđĭ kyar Grup pơkra ia jâo Việt Nam jing anom bruă yôm phun mơ̆ng Anom bruă ia jâo, hơmâo tơlơi dưi, kơtang kơ prăk kăk, boh thâo măi mok, djru akŏ pơdong lŏn ia pơdrong sah, mơnuih ƀôn sang trơi pơđao yâo mơ-ak.