Khua dêh čar pơsit, amăng hrơi blan mut hrŏm jar kmar lăi hrŏm hăng mut hrŏm bơwih ƀong hăng jar kmar lăi hơjăn, Việt Nam lêng kơ lăng yôm tơlơi ngă hrŏm, tơlơi gum djru mơ̆ng WTO. Khua WTO - yă Ngozi Okonjo-Iweala lăi Việt Nam jing tơlơi ră ruai truh kih hrưn đĭ pơđĭ kyar bơwih ƀong huă - mơnuih mơnam; lăng yôm tơlơi ngă hrŏm mơ̆ng WTO hăng Việt Nam.

Kơ tơlơi lăp đing nao mơ̆ng Khua dêh čar, Khua WTO lăi pơthâo phrâo rơgao hơmâo sa grup kơhnâo mơ̆ng Jơnum min kual Mi Kô̆ ngă bruă hăng WTO, pơhmư̆ tơlơi pơgôp hiăp mơ̆ng hơdôm boh dêh čar glăk đĭ kyar hăng WTO jak iâu djru ba kĭ thuâ̆t kiăng yua hloh. Khua anom bruă WTO lăi pơthâo rơnuč blan 2/2024 amra hơmâo mông Jơnum khua ding jum mơ̆ng WTO kơ tơlơi kĭ pơkôl hơdjă gơnam ƀong huă hăng pơčrang klin kman ƀơi hlô mơnŏng - SPS laih anun čang rơmang Việt Nam gir nao pơhmư̆.