Khua dêh čar lăi rơđah, rơgao 8 wot pơphun, Pri Búa Liềm Vàng hmâo pơtŏng sit tơlơi đăo gơnang, pran gơgrong amăng bruă čih tơlơi pơhing lŏn ia, hmâo mă tơlơi lăng dơlăm, tơlơi git gai mơ̆ng hơdôm gưl Ping gah, ngă pơhưč gum hrŏm mơ̆ng lu mơnuih, hmâo jing laih bruă hmâo čơkă dô̆ tơguan, čang rơmang ƀơi anăp hơdor glăi hrơi pơdŏng Ping gah rim thun hăng anai jing tơlơi pơtŏng sit anăn păn, pran đăo gơnang, pran pơhmăi hyu mơ̆ng Pri.

Kiăng djơ̆ tui klă hloh bruă jao pơ̆ anăp anai, Khua dêh čar čang rơmang hăng pơmin Pri Búa Liềm Vàng ngă tui hloh dong hơdôm bôh tơhnal dưi ngă, hyu hơduah ĕp pơplih phrâo dong, pơčeh phrâo pioh jai hrơi jai lar hyu pran kơtang hăng pơhmăi klă mơ̆ng Pri, djru pơdŏng, pơplih pơkra Ping gah, pơdŏng glông bruă kơđi čar hăng pơdŏng khul mơnuih apăn bruă klă hiam, kơjăp kơtang; gum hơgôp klă, ba glăi bôh tơhnal amăng bruă pơdŏng hăng pơgang lŏn ia Việt Nam mơnuih mơnam dưm kơnar; yua kơ tơhnal mơnuih ƀôn sang pơdrŏng, lŏn ia kơtang, tơpă, dưm kơnar, thâo rơgơi./.