VOV4.Jarai - Čơtlăm lơ 30/9, ƀơi Hà Nội, Khua dêh čar Cuba ơi Manuel Marrero Cruz tŭ jum Khul giăng mah Việt Nam – Cuba hăng Khul pơlir hơbit hơdôm khul ngă giăng mah Việt Nam ƀrô djơ̆ tal čuă giăng mah sit nik dêh čar Việt Nam. Kiăo tui anun, amăng abih bang hơdôm mông bưp, khua mua dua bôh dêh čar, hăng pran jua tơpă sit, đăo gơnang, lăng yôm na nao bruă gơgrong pioh kơ pran gum hrom hơbit kơplah wah dua djuai ania, pơkôl pơtrut kơtang hloh dong tơlơi rô nao rai gum hrom.

Khua Khul giăng mah Việt Nam hăng Cuba ơi Vũ Hải Hà jao hră brơi gơnam

Khua dêh čar Cuba brơi thâo, khă glăk bŏng glăi hăng lu tơlơi lông kah hang guang dar pơgăn kom kơtang tit, tơlơi ƀu hơđong mơng klin Covid-19, samơ̆ Cuba ăt gir run hơkrŭ glăi mơn hăng pơđĭ kyar bơwih ƀong. Pơhiăp amăng mông tŭ jum, Khua Jơnum min pơtom hiăp mơng Khua pơ ala mơuih ƀôn sang, Khua Khul giăng mah Việt Nam – Cuba, Khua Grŭp khua pơ ala mơnuih ƀôn sang giăng mah Việt Nam hăng Cuba Vũ Hải Hà đăo gơnang, gah yŭ tơlơi git gai mơng Ping gah Cộng sản Cuba, mơnuih ƀôn sang Cuba adơi ayong amra ngă tui truh kih bruă pơplih phrâo hơdră bơwih ƀong mơnuih mơnam djop mơnuih dưm kơnar hăng tơhnal pơkă pơdŏng lŏn ia dưi pô, rơngai, djop mơnuih dưm kơnar, tơpă, pơdrong asah hăng kơjăp phik./.

VOV.VN čih

Siu H’ Prăk pơblang