VOV4.Jarai-Amăng hơdôm hrơi rai čuă jơmư sit nik dêh čar ta, mơguah lơ 30/9, ƀơi Hà Nội, Khua dêh čar Cuba, ơi Manuel Marrero Cruz hăng Kơ-iăng Khua dêh čar ơi Lê Minh Khái nao jơnum hrom hăng git gai jơnum pơčrông sai bruă mă sĭ mơdrô hrom Việt Nam-Cuba. Ƀơi mông jơnum, Khua dêh čar Cuba, ơi Manuel Marrero Cruz lăi pơtong: Cuba hlăk amăng črăn pơblih kơtang biă mă, anăp nao rŭ glăi tơlơi bơwih ƀong huă hăng pơđĭ kyar, tui hăng atur tơlơi ngă giăng mah gru grua hiam klă kơplah wah dua bơnah lŏn ia, Kơnuk kơna Cuba amra djru lu hloh, ngă gêh găl kơ sang bruă sĭ mơdrô Việt Nam dưi ngă bruă ƀơi Cuba.

Ƀơi mông jơnum, lu mơnuih ngă bruă sĭ mơdrô mơ̆ng dua boh dêh čar hơmâo hmư̆ Khua ding jum sĭ mơdrô hăng tuh pơ alin dêh čar Cuba, ơi Rodrigo Malmierca Dias lăi pơthâo jơlan hơdră pơhưč tuh pơ alin mơ̆ng dêh čar tač rơngiao ƀơi Cuba hăng Khua phun anom bruă anih bơwih ƀong huă phara hơjăn pơđĭ kyar Mariel, yă Ana Teresa Igarza Martinez hăng mông gêh găl ngă hrom bơwih ƀong huă mơ̆ng dua bơnah dêh čar.

Nay Jek: Pơblang