VOV4.Jarai - Tŭ ư hăng tơlơi jak iâu mơng Khua dêh čar ơi Phạm Minh Chính, hrơi anai (28/9), Khua dêh čar Cuba Manuel Cruz pơphun rai čuă sit nik dêh čar Việt Nam. Tal rai čuă kiăng pơdah pran gir run mơng dua bơnah amăng bruă tŏ tui pơđĭ kyar hăng pơtrut dong tơlơi rô nao rai giang mah, gum pơgôp, mut hrŏm, đăo gơnang tơdruă, ngă hrŏm djop mơta, gum pơgôp kơplah wah Ping gah, Kơnuk kơna hăng mơnuih ƀon sang dua bơnah.

Tal rai čuă sit nik dêh čar Việt Nam mơng Khua dêh čar Cuba Manuel Marrero Cruz tal anai sa wŏt dong pơsit tong Việt Nam hăng Cuba amra tŏ ngă tui hăng djă pioh gru grua hiam klă, gir run ba tơlơi rô nao rai dua bơnah jai hrơi dơlăm hăng tŭ yua, amăng anun đing nao hrưn đĭ bruă ngă hrŏm bơwih ƀong huă, sĭ mơdrô hăng tuh pơ alin jai hrơi bơkơnar hăng tơlơi rô nao rai bruă kơđi čar mơng dua bơnah.

VOV.VN

Siu Đoan: Pơblang