VOV4.Jarai-Tlam lơ 19/9, ƀơi anom bruă Kơnuk kơna, Jơnum lăng nao rai amăng tivi Khua dêh čar git gai hăng djop khua mua pơ ala Việt Nam dŏ mă bruă pơ dêh čar tač rơngiao, kơ bruă pơtrut ngă bruă pơtom hiăp bơwih ƀong huă. Anai lĕ, jơnum blung a Khua dêh čar git gai kơ bruă pơtom hiăp bơwih ƀong huă. Jơnum anai, pơtum lăi nao, pơtong glăi anŏ gêh găl hăng tơlơi lông lăng ră anai, biă mă ñu anŏ gêh găl kơ Việt Nam kiăng hneč mă, pok pơhai sĭ mơdrô, tuh pơ alin, ba tuai hyu ngui kiăng pơhrui mă lu hloh prăk kăk pioh rŭ glăi bơwih ƀong huă hăng pơđĭ kyar; mơ̆ng anun rơkâo đĭ lu hơdră pơtom hiăp bơwih ƀong huă amăng dêh čar hăng gah rơngiao dêh čar đah mơ̆ng tañ găn rơgao tơlơi tơnap tap, ngă djơ̆ tơhnal pơtrun bơwih ƀong huă mơnuih mơnam.

Jơnum abih bang

Pơhiăp git gai jơnum, Khua dêh čar ơi Phạm Minh Chính rơkâo ƀing khua anih jưh pơ ala, khua mua ding jum, anom bruă, mơnuih ngă bruă sĭ mơdrô pơđĭ tui tơlơi pơmin, ia rơgơi, pơčrông sai tong ten ĕp hơdră pơtrut bơwih ƀong huă pơtom hiăp amăng dêh čar hăng gah rơngiao dêh čar; lăi pơthâo anŏ kiăng, tơlơi rơkâo hơdră mă bruă, tơlơi phiăn pơtrun, jơlan hơdră kiăng pơđĭ tui boh tŭ yua amăng bruă mă bơwih ƀong huă.

Nay Jek: Pơblang