Tlam lơ 1/12, Khua dêh čar ơi Phạm Minh Chính git gai Jơnum ping gah Kơnuk kơna klah čun glăi bruă pơgăn hưp ham ƀong kông ngăn, prai prăk, ngă soh glăi rơwang bruă Jơnum ping gah dêh čar tal 13. Hơdôm tơlơi ba pơčrông ƀơi mông Jơnum lăi dlăm kơ bruă čih pơkra tơlơi phiăn bơkơnar, abih bang, tŭ yua, lu bruă hưp ƀong kông ngăn, ngă soh glăi kơtang hơmâo ƀuh, hơduah ĕp, pơsir kơđi rơđah rơđông, khut khăt.

Pơhiăp git gai, Khua dêh čar tŭ yap hơdôm bruă hơmâo ngă, samơ̆ lăi ăt hơmâo mơn hơdôm tơlơi aka ƀu pơsir kah hăng bruă khua mua aka ƀu pơƀuh ôh tơlơi gơgrong bruă; bruă sem lăng mă pô, ƀuh mă pô hơdôm tơlơi soh dŏ tơdu đôč. Khua dêh čar kiăng Ping gah Kơnuk kơna ăt lăng bruă pơgăn hưp ƀong kông ngăn jing bruă yom phun, nao hrŏm hăng akŏ pơjing, pơplih klă tui Ping gah; pơtrut pơplih phrâo bruă ngă hră pơ-ar, pơđĭ tui tơlơi hơdip mơ̆ng ƀing khua, mơnuih mă bruă kơnuk kơna mă bruă tơpă, rơgơi, djơ̆ tui tơlơi kiăng đĭ kyar ră anai.