Hơdôm tơlơi pơgôp hiăp pơsit, djŏp gưl, anom bruă, gong gai plơi pla hơmâo pơphun brơi neh met wa čơkă Têt mơak mơai, rơnuk rơnua, thâo pơkrem, thâo hơdor tơngia, ƀu lui hĭ pô hlơi ôh, abih bang leng kơ ƀong Têt soh, anun yơh ngă mơak pran jua ngă bruă amăng thun phrâo.

Hăng tơlơi pơmin “Ƀong têt tañ, ngă bruă hmar, ngă bruă hlao”, mông jơnum lăi nao bruă pok pơhai dưm kơnar, tŭ yua djŏp bruă hơmâo Gơnong glông, Kơnuk kơna, Khua pơ ala mơnuih ƀôn sang dêh čar jao; pơtrut pơkra gơnam sĭ mơdrô, git gai bruă prăk hơdeč hmar, kiăng brơi prăk tuh pơ alin tañ, pơplih klă bruă bơtơhmal ngă soh, pơsirt hĭ kơƀah mơnuih mă bruă, djru brơi mơnuih ƀôn sang bơwih ƀong, gir hơmâo rơnoh đĭ kyar 2026 mơ̆ng 10% truh pơ ngŏ. Khua dêh čar pơsit Têt rơnuk rơnua amăng djŏp bruă laih, rơbuh rơbeč ƀơi jơlan hai tơdu mơn amăng 3 hơnong pơkă, bruă ia jrao, pôr pơhing klă mơn. Kơ bruă mă amăng thun 2026, Khua dêh čar kiăng pơƀut ngă hơđong bruă bơwih ƀong prong, pơgăn pơđĭ nua ča čot, pơplih boh thâo mrô hăng mơtah hơdjă, pơđĭ tui bruă bơwih ƀong, pơplih tơlơi hơdip mơda mơnuih ƀôn sang, bong kjăp lŏn ia, rơnuk rơnua, ngă pô wai lăng lŏn ia./.