Pơhiăp amăng mông jơnum, Khua dêh čar ta ơi Phạm Minh Chính lăi rơđah khom pơsit pơgang, pơgăn klin Covid-19 klă hloh dong kiăng dưi ngă tui hơdôm bruă kơđi čar, pơđĭ kyar bơwih ƀong – mơnuih mơnam mơng thun 2022, thun 2023 hăng hơdôm thun tô̆ tui.

Grŭp črâo ba pơphun mông jơnum tal 18 kiăng pơsit tơlơi hăng bruă pơgang, pơgăn Covid-19 ăt kah hăng hơdôm klin ruă pơpkon. Kiăng pơgang, pơgăn klin Covid-19 ba glăi bôh tơhnal, pơgang tơlơi suaih pral, tơlơi hơdip mơnuih ƀôn sang, ngă gal brơi kiăng hơkrŭ glăi, pơđĭ kyar bơwih ƀong – mơnuih mơnam khom lăng tui kơjăp dong, pơsit, pơblang tơlơi, gơgrong hlâo čih pơkra hơdră, jơlan gah bŏng glăi hăng pok pơhai djơ̆ hăng djop tơlơi amra truh mơng klin ruă; hrom hăng anun lăng tui na nao, pơhrua nao hơdôm tơlơi pơtô ba bruă juăt mă hăng djru tơring čar, ƀôn prong amăng pơgang, pơgăn klin Covid-19./.