Khua dêh čar git gai pơđut hlao bruă mă akan IUU hlâo kơ lơ 15/11/2025
Thứ tư, 16:33, 01/10/2025
VOV/Siu H'Mai pơblang
VOV/Siu H'Mai pơblang
VOV.Jarai - Tlam lơ 30/9, ƀơi sang bruă Kơnuk kơna, Khua dêh čar ơi Phạm Minh Chính git gai Jơnum lok 15, Khul git gai bruă Dêh čar kơ pơgăn mă akan soh tơlơi phiăn, ƀu lăi pơhmư̆ hăng ƀu ngă tui tơlơi pơtrun (IUU).
Khua dêh čar lăi kiăng lăng bruă pơđut hlao mă akan IUU kah hăng pơkơdong glăi gơnam pơkra mă ča, ia jrao ča čot, gơnam ƀu hơmâo anăn, kiăng truh lơ 15/11/2025 khŏm pơdơi hlao bruă anai. Hơdôm ding jum, anom bruă ƀu ngă tui amra bơtơhmal tui Tơlơi črâo trun mrô 32 mơ̆ng Khul khua git gai Ping gah.
Khua dêh čar jao kơ Ding jum kông an ngă hrŏm hăng Ding jum Ling tơhan, Ding jum bruă hmua hăng ayuh hyiăng hrŏm hăng hơdôm boh tơring sem lăng abih grup ƀat tô hlâo lơ 5/10, laih dong tơgŭ kơđi hơdôm bruă ngă soh bơdjơ̆ nao. Ñu ăt kiăng amăng 5 hrơi, pơđĭ tui rơnoh prăk đŭ. Gong gai tơring čar kiăng pơplih mơ̆ng hyu mă akan pơ ataih jing rông giăm hang dong, rông akan hơdang hơđong./.
Viết bình luận