Hră kông điện hơmâo lăi rơđah: Tui hăng tơlơi lăi pơthâo mơ̆ng Jơnum min wai lăng tơlơi rơnuk rơnua jơlan glông dêh čar, lơ̆m 2 mông 10 mơnit mơguah sing bring lơ 31/10/2023, ƀơi km 70+800 jơlan mrô 1A găn nao pơ kơdư glai kom, tơring glông Hữu Lũng, tơring čar Lạng Sơn hơmâo tơlơi truh rơdêh pơjrom kơtang biă mă, plah wah rơdêh ôtô pơgiăng tuai 16 boh grê hơmâo anăn mrô 14B-03657 pơtlă hăng rơdêh sơmi hơdui rơmok hăng rơdêh kôngtener rai mơ̆ng anăp, tơlơi truh ngă kơ 5 čô mơnuih djai mơtam hăng lu mơnuih pơkŏn rơka rơkač, 3 boh rơdêh răm kơtang soh.

Laih hmư̆ tơlơi pơhing anun, Khua dêh čar git gai brơi nao tơña bla sang anŏ mơnuih djai hăng rơka rơkač; laih anun pơpha jao bruă kơ Kơ-iăng khua pô wai lăng gah bruă jơlan glông dêh čar hrŏm hăng hơdôm čô khua mua mơ̆ng ding jum kông an, ding jum jơlan glông laih anun hơdôm sang bruă kơnuk kơna ngă hrŏm tơring čar Lạng Sơn hăng djop sang bruă pơdjơ̆ nao djru pơsir tơlơi răm ƀăm truh hăng djru pơjrao kơ mơnuih rơka rơkač; pơphun nao tơña bla, juh alum sang anŏ hơmâo mơnuih djai hăng ƀing ruă nuă amăng tal hơmâo tơlơi truh anai.