Tal hơjan ia ling dăo rơgao ngă răm rai lu gơnam tam hăng djai mơnuih, lu ară jơlan, ring bruă lŏm, lŏn tơhroh, ngă răm rai kơtang hloh, bơdjơ̆ nao tơlơi hơdip hăng bruă bơwih ƀong. Tui jŭ yap blung a brơi ƀuh 42 čô mơnuih djai hăng rơngiă, 6 čô mơnuih rơka. Khua dêh čar rơkâo djop ƀon lan mơng Nghệ An nao pơ Quảng Ngãi hrŏm hăng hơdôm bơnah bơdjơ̆ nao pok pơhai ječ ameč bruă djru mă, pơjrao brơi mơnuih rơka rơkač, djru brơi mơnong ƀong huă, ia mơñum, ia jrao hăng anih dŏ jang jai.

Laih dong, tañ rŭ pơdong glăi anŏ răm rai, jŭ yap glăi hăng lăi pơthâo hlâo kơ lơ 3/11, pơjing akŏ bruă abih bang mơ-it nao Kơnuk kơna hlâo lơ 8/11. Kơnuk kơna hơmâo djru brơi 100 klai prăk mơng pioh mă yua amăng ngăn drăp gơnong glông thun 2025 brơi ƀôn prong Huế kiăng rŭ pơdong glăi anŏ răm rai, pơhlôm rơnuk rơnua hăng hơđong tơlơi hơdip mơnuih ƀôn sang.