Jơnum tơña hăng lăi glăi pơphun amăng 3 hrơi, mơ̆ng lơ 5-11. Hơdôm mơta tơlơi mơ̆ ƀing pơ ala mơnuih ƀôn sang ruah mă tơña lĕ: Man pơdong, Bruă čar, Tơlơi pơhing hăng  pôr pơhing, Bruă ĕp lăng jŭ yap bruă. Giong tal tơña hăng lăi glăi, Khua dêh čar ơi Phạm Minh Chính amra lăi pơthâo rơđah hloh hơdôm tơlơi ƀing khua ding jum lăi glăi ƀơi anăp ƀing pơ ala mơnuih ƀôn sang dêh čar.

Pô pơ ala Trần Văn Lâm, Kơ-iăng Khua grup pơ ala mơnuih ƀôn sang dêh čar ƀơi Bắc Giang, ding kơna Jơnum min Prăk kăk-Prăk kơnuk kơna mơ̆ng sang bruă

pơ ala mơnuih ƀôn sang dêh čar

Hơdôm wơ̆t tơña hăng lăi glăi hơmâo pơdah amăng tivi hăng pơtui jua pơhiăp brơi mơnuih ƀôn sang ĕp lăng mơtam. sa boh yôm phun pơkŏn dơ̆ng ƀing pơ ala bơkơtuai nao rai ngă tui jơlan hơdră kơnuk kơna, tơlơi phiăn pơkă kơ bruă pơkrem, pơgăn phăk phai mơ̆ng thun 2016-2021 hăng Tơlơi phiăn yua lŏn tơnah čih pơkra glăi. Dăp pơkra hơdrôm hră Tơlơi phiăn hơmâo 16 črăn, 245 mơta tơlơi, amăng anun djă pioh hnong hơđăp 28 mơta tơlơi, čih pơkra glăi pơhrua nao dơ̆ng 184 mơta tơlơi; pơbuă tui phrâo 41 mơta tơlơi hăng lui hĭ 8 mơta tơlơi.

Ăt rơwang hrơi tơjuh mă bruă anai mơ̆n, ƀing pơ ala mơnuih ƀôn sang pơčrông sai kơ Tơlơi phiăn pơhlôm, pơgăn bruă rao prăk čih pơkra glăi; Tơlơi phiăn ngă ƀong hrom čih pơkra glăi, tơlơi phiăn Pơhlôm kơ mơnuih ƀôn sang, tơlơi phiăn pơkă rơnoh čih pơkra glăi; Hră pơtrun jơnum pơkra kơ Tơlơi phiăn jơnum lok khua mua pơ ala mơnuih ƀôn sang dêh čar čih pơkra glăi.