Jơnum min apăn bruă Khua pơ ala mơnuih ƀon sang dêh čar lăi pơthâo sit nik kơ hrơi mông tơña hăng lăi glăi amăng jơnum tal anai. Tui anai, hơdôm bruă hơmâo Khua pơ ala mơnuih ƀon sang dêh čar tơña hăng lăi glăi lĕ bruă man pơdong, pơphun bruă, pôr pơhing, pel ĕp. Bruă blung hlâo lĕ man pơdong, Khua ding jum man pơdong ơi Nguyễn Thanh Nghị lăi glăi tơlơi tơña bơdjơ̆ nao anŏ aka ƀu klă, hơdră pơplih kiăng kơ klă dong amăng dưm dăp hăng wai lăng pơđĭ kyar plơi prong ƀơi Việt Nam, biă mă ñu lĕ ƀơi hơdôm ƀôn prong.

Khua dêh čar ơi Phạm Minh Chính

Bruă tal dua lĕ gah pôr pơhing, Khua ding jum pôr pơhing ơi Nguyễn Mạnh Hùng amra lăi glăi tơlơi tơña bơdjơ̆ nao bruă mă yua boh thâo phrâo amăng wai lăng mơng Kơnuk kơna, pơjing Kơnuk kơna mrô, gong gai mrô. Bruă tal tlâo lĕ pơphun bruă mă, Khua ding jum pơphun bruă Phạm Thị Thanh Trà amra lăi glăi tơlơi tơña kơ bruă dưm dăp mơnuih apăn bruă, hrŏ trun biên chế, pơjing anih anom mă bruă djơ̆ hăng mrô mwonuih apăn bruă hăng pơplih bruă apah prăk blan hăng ƀing mơnuih apăn bruă. Bruă tal pă lĕ pel ĕp, Khua anom bruă pel ĕp dêh čar Đoàn Hồng Phong lăi glăi tơlơi tơña kơ bruă hrưn đĭ klă dong, tŭ yua amăng bruă pel ĕp, hmao tlôn pơgăn hĭ bruă ngă soh. Rơnuč mông tơña hăng lăi glăi, Khua dêh čar ơi Phạm Minh Chính amra ngă rơđah kơ bruă bơdjơ̆ nao hăng glăi glăi tơlơi tơña mơng Khua pơ ala mơnuih ƀon sang.