Pơhiăp ƀơi mông jơnum, Khua dêh čar ơi Phạm Minh Chính kiăng pơƀut pok pơhai bơkơtưn yom hloh đah mơ̆ng dưi ngă bruă hơmâo jao. Hăng tơlơi pơtrun “pơđĭ kơtang, gir kơtir, hur har, truh kih, ƀu tơbiă đuăi mơ̆ng ană plơi, gir pơčeh phrâo, hơđong pran, hơdeč hmar, hmao tlôn, tŭ yua.

Amăng hơdôm bruă yôm phun, Khua dêh čar kiăng prăp lui klă, tong ten djŏp tơlơi hơmâo bơwih brơi Jơnum lok 13 hăng Jơnum lok 10, Khua mua pơ ala mơnuih ƀôn sang dêh čar tal 15. Kiăng hơđong bơwih ƀong huă, pơgăn pơđĭ nua gơnam, pơhlôm ngă bơkơnar bơwih ƀong hăng pơtrut đĭ kyar yơh bruă kiăng ngă hlâo. Khua dêh čar kiăng krăo lăng, pơhlôm hơđong anih sĭ mơdrô, nua gơnam, biă ñu hơdôm mơta gơnam, bruă bơwih bơwang yua Kơnuk kơna wai lăng. Pơtrut blơi gơnam yua dêh čar pơkra, pơđĭ kyar anih sĭ mơdrô amăng dêh čar ta. Pok pơhai khut khăt, hmao kru, tŭ yua hơdôm Tơlơi pơtrun mơ̆ng Ding jum kơđi čar. Pok pơhai, git gai tŭ yua hơbô̆ bruă gong gai dua gưl.