Khua dêh čar pơsit tong, anai ăt jing tơlơi pơ-ư ang hăng Khul apăn bruă Ping gah, kơnuk kơna hăng Ping gah anom bruă Kơnuk kơna. Khua dêh čar lăi pơtong, amăng thun blan mă bruă, mut hrŏm bruă hơkrŭ, ơi Phạm Gia Khiêm hăng ơi Trương Hòa Bình hơmâo mă bruă lu anih akŏ phun amăng djop mơta bruă.

Mah ngă hơget tŭ mơn, dua gơñu lêng kơ pơsit tong tui hơnong pơkă, tơlơi črâo trun mơng Ping gah, akĕ phĭ tui Ping gah, abih pran hăng lŏn ia, mơnuih ƀon sang, tŏ tui na nao prap hơdip ba gru mơng sa čô mơnuih apăn bruă Ping gah, ƀu pơdơi hrăm tui, gir run abih pran jua kiăng ngă tui tơlơi glăm ba, bruă jao.