Amăng hơdôm hrơi rai čuă Việt Nam, Khua dêh čar Japan, yă Takaichi Sanae nao čuă pơsat jep khua mir sir Hồ Chí Minh, dưm guang bơnga ƀơi gong kut klao h’ŭ kơ tơhan khin hơtai djai pơsăn drơi jăn yua kơ lŏn ia ƀơi jơlan Bắc Sơn, Hà Nội. Khua git gai ping gah, khua mir sir ơi Tô Lâm, ăt hơmâo mông tŭ jum khua dêh čar Japan.

Khua dêh čar ơi Lê Minh Hưng čơkă jum, bơkơtuai hăng hrŏm hăng yă Taikaichi Sanae jơnum hăng ƀing čih tơlơi pơhing pioh lăi pơthâo boh tơhnal bơkơtuai nao rai dua bơnah. Ƀrô tal anai, ƀơi anăp kơ tơlơi dŏ lăng pơsit brơi mơ̆ng Khua dêh čar ơi Lê Minh Hưng hăng Khua dêh čar Japan, yă Takaichi Sanae, lu ding jum, anom bruă, tơring čar dua bơnah kĭ hră pơkôl ngă hrŏm hơmâo 6 pok hră. Ƀơi mông tŭ jum, bơkơtuai nao rai, khua mua kơnuk kơna Việt Nam bơni biă mă tal rai čuă jơmư anai mơ̆ng Khua dêh čar Japan, yă Takaichi Sanae hrŏm hăng khul khua mua kơnuk kơna Japan pơphun djơ̆ hrơi mông dua bơnah pok pơhai lu bruă mă yom, pok pơhai tơlơi kĭ pơkôl phrâo, gir run lu hloh ngă tui tơhnal pơkă tơlơi bơwih ƀong huă mơnuih mơnam rim dêh čar.