Pơyơr bơnga čuh ñang ƀơi anăp rup bơngăt jua ơi Võ Văn Kiệt, Khua dêh čar ơi Phạm Minh Chính hăng grup khua mua pơdah rai pran jua pơpŭ, hơdor bơni kơ ơi Võ Văn Kiệt, sa čô mơnuih hur har kơ bruă mă, khin pơmin, khin ngă mơtam, khin glăm ba bruă mă, pơtrut pran jua hăng pơyơr pran jua kơ bruă mă phrâo; kiăng hla tui ơi Võ Văn Kiệt djă bong yak rơbat kjăp pran jua tơlơi pơmin hiam, abih pran jua bơwih brơi kơ lŏn ia, kơ mơnuih ƀôn sang, yua kơ djop bruă kiăng mơnuih ƀôn sang pơdrong asah, lŏn ia kơtang, mơnuih ƀôn sang ngă pô, bơkơnar, thâo rơgơi.

Tơdơi kơ pơpŭ čuh ñang, Khua dêh čar ơi Phạm Minh Chính hăng grup nao jơnum hrom mă yua tem sang dăng kông “Hơdor glăi 100 thun hrơi tơkeng kơ Khua hơđăp dêh čar ta rơgom ơi Võ Văn Kiệt” dưi pơphun ƀơi đang sang hơdor kơ Khua dêh čar ơi Võ Văn Kiệt.