Pơhiăp ƀơi mông jơnum, pơ ala kơ kơnuk kơna, Khua dêh čar ơi Phạm Minh Chính čih pioh, bơni hăng pơpŭ kơ boh tơhnal thun blan rơgao tơring čar anai dưi ngă. Ping gah,gong gai kơnuk kơna, ling tơhan hăng mơnuih ƀôn sang tơring čar Bình Dương dưi ngă lăp pơpŭ biă mă thun blan laih rơgao. Čang rơmang hăng đăo sit, anih gêh găl hăng tơlơi gơgrong mơ̆ng Bình Dương jai hrơi ƀuh rơđah amăng bruă pơđĭ kyar hrŏm ƀơi dêh čar ta, ăt kah hăng ba Việt Nam mut nao amăng rơnuk phrâo, rơnuk ngă bruă hrưn đĭ mơ̆ng djuai ania, hăng anih kơnang kjăp; ƀing ta khom pơđĭ tui:

Anun lĕ pran jua gum pơgôp amăng mơnuih ƀôn sang, amăng anom bruă ping gah; Anun lĕ gru grua hiam mơ̆ng đưm dêh čar ta hing ang khin hơtai; Anun lĕ anih kơnang nao amăng pran jua mơnuih ƀôn sang hăng tơlơi dong yua mơ̆ng djop gưl mơnuih ƀôn sang. Khua dêh čar đăo sit hră lơkak pơkă hnơ̆ng či man pơdong ƀơi tơring čar Bình Dương amra ba glăi boh tơhnal tŭ yua klă hăng pơđĭ kyar kơtang hloh.